Nokta gaguzça #1 Başkan seçimneri hem gagauz kimnii için (субтитры на русском)

Saygılı dostlar! Bitki cannı yayınımda, angısı geçti cumaa günü, bän açıkladım, ani her hafta gaguz dilindä yayın yapacez. İlkin yazacez bölä kısa videolar, birazdan sora da savaşaçez cannı yayınnarda çıkmaa. Şindi neçin biz bunu yapêrız? Bu kısa videolarlan biz neetleneriz göstermää, ani gagauz dili sadecä babularlan hem dädularlan lafetmäk için yaramêêr. Biz isteeriz göstermää, ani başka işlär için dä yaarêêr, deyelim, zor hem karmaşık temaları lafetmäk için dä yarêr. Gagauz dili modern hem cannı olabilir, aslında ölä dä var. Bu kısa videolarlan hem gagauz dilindä cannı yayınnarlan biz isteeriz gagauz kimniini Moldovanın mediya alanına getirmää. Hem dä sade Moldovanın mediya alanına diil, en önemnisi ‒ gagauz politikasına da.